Anmelden
26.10.2021

Damen 3. Liga - 3. Meisterschaftsrunde

Schötz - Oensingen 0:7

Üse erscht Gägner: d Pingus vo Schötz.

Nach 58 Sekunde scho es wunderschöns Tor vom Meli mitemne Assist vom Luana. Mitem 2. Goal heimer chlei gwartet, aber nach 17 Minute hets Meli nochedopplet. Ir 2. Haubzyt heimer meh Gas geh und nach 39 Sekunde het öise Captain s Nadi zum 3:0 chönne erhöhe. När si no wiiteri 4 Goal cho vor Luana, Meli, Evi und dr Core.
s Jessi muess ez scho e 2i-stöckige Chueche bache.

 

Oensingen - Oberwil 6:0

Dr nöchst Match und erneut e Blitzstart vom Meli zum 1:0 gäge Oberwil.
Die ersti Haubzyt heimer mit 3:0 abgschlosse, Goal hei wieder s Meli und s Nadi gschosse.
Nach dr Haubzyt heimir unbedingt s 0i wöue bhaute, damit mir e 3-stöckige Chueche vom Jessi bechöme. Näbebi heimer de au no 3 Goal gschosse, eis vor Core und 2i wiiteri vom Meli, gits widr 50 Scorerpünkt Ändi Saison?
Mir hei dr Match mit 6:0 gwunne und fröie üs ufe Chueche.
s'Nici bechunnt sicher au es riesigs Stück für ihri Unterstützig und dr Luca je nach däm au, aber noni ganz sicher...

Mir fröie öis uf die nögsti Rundi und wei döt wiiterhin öises Beste geh.