Anmelden
19.11.2021

Damen 3. Liga - 4. Meisterschaftsrunde

Kestenholz-Niederbuchsiten - Oensingen 4:4

Dr erscht Match wo asteit ischs Derby gege Kestenholz. Mir hei gwüsst, das mer se nid dörfe unterschätze. Dank em Buebetrickli vor Core hei mir nach 9 Minute 1:0 gfüehrt. Churz drufab het Kestenholz usgliche. Bis zur Haubzit hei beidi Teams no es Goal gschosse u mir si mit Glichstand id Pause. Nachdem mir dr Start verschlafe hei gha, si d’Awisige ir Pause klar gsi. Dank em Nadj und dr Core hei mir 4:2 id Füehrig chönne ga. Und sogar e 2-Minute Straf hei mir heil überstande. Leider het Kestenholz ds Tempo ir Hand gha und churz vor Schluss no usgliche.

Bubendorf - Oensingen 2:5

Dr zwöit Match isch gäge Buebedorf gsi, die erschte ir Tabelle. Mir hei üs gfröit u si ready gsi, alles zgäh u zfighte! Die erschte paar Goal si zimli schnell gfalle. D‘Luana u s‘Meli hei je es Goal gmacht u Buebedorf ebefalls. Zum Glück het d‘Sarah vor der Pause uf 3:2 erhöht und üs so id Füehrig bracht. Dr Sieg hei mir unbedingt wöue! Und für das hei mer kämpft. Ir zwöite Häufti hei mir ds Spiu ir Hand gha und s‘Fabi und s‘Meli hei mit je emene Goal zum 5:2 erhöht. Mir si sehr stolz uf üs u hei mega Fröid!